حادث القطار وجدوى العلم

رحم الله شهداء حادث القطار في محطة رمسيس وأعان ذويهم والمصابين- هل  الفيديوهات المتداولة صحيحة فعلاً؟  أتمنى أن نصارح أنفسنا بشفافية وعلانية بخصوص مشكلات مرفق السكك الحديدية -وهي بالمناسبة نفس مشكلات مرافق حيوية أخرى كثيرة- في حوار الرئيس السيسي مع المهندس هشام عرفات علمنا أن نفقات المرفق حوالي ٥ مليار بينما ايراداته لا تتجاوز ٢ مليار- أين الخريطة المالية لنفقات وايرادات هذا المرفق؟ وهل يتم تعيين القيادات فيه بمعيار الكفاءة فقط وفقاً لمسابقات يتم إجراءها بشفافية أم أنها مناصب يتم توزيعها علي غير المتخصصين في شئون المرفق؟ وهل يملك أي وزير للنقل تغيير هؤلاء أم أنها تركة يرثها كما هي؟ وهل يتلقى العاملون في المرفق تدريب كاف؟ أين مليارات الجنيهات التى تم صرفها واقتراضها لتطوير منظومة السكة الحديد؟ اين دراسات الجدوى الجادة؟ إذا كنت تعتقد أن التعليم باهظ الثمن- فلتجرب الجهل- عبارة أقتبسها من ديريك بوك وهو محام أمريكي- المشكلة أننا نجرب الجهل منذ عقود وأخشى أننا نعتاد جهلنا ونعتبر العلم هو الشذوذ كما هو الحال في رواية بلد العميان

عندك شك أننا نجرب الجهل منذ عقود- تابع معي جزء من سيناريو فيلم ضد الحكومة وهو يتناول فكرة بسيطة (هي المسئولية) وهي الأساس الذي يقوم عليه القانون من أوله لآخره- الفكرة موجودة عندنا شكلاً كي نحاسب الضعفاء فينا- لكن جوهرها وحقيقتها غائبة أو مغيبة عمداً كيلا نحاسب أصل الداء- بغير مسئولية حقيقية ومحاسبة لن تقوم للأمن القانوني قائمة

 إنت عايز توصل لإيه ؟
-- للعدل يا دكتور، العدل اللى اتعلمناه وآمنا بيه ودعت ليه الأديان كلها.
-- آه عظيـــم طب ايه بقا العدل فى انك تختصم الوزراء فى قضية زى دى المتهم فيها معروف ومحدد بلا أى لبس .
-- قصد حضرتك سواق الأتوبيس أو عامل التحويلة ؟
أو حتى هيئة السكك الحديدية نفسها ! إنت عرفت إن بالكشف الطبى ع السواق إتضح إنه كان متعاطى مخدرات ؟
- عارف عارف إنه مذنب ولازم ياخد جزاءه بس مش هو لوحده. طبعاً ، هو ، وعامل التحويلة ، وملاحظين السينافورات ،،
-- يا افندم أرجوك إفهمنى الأتوبيس مدخلش فى القطر من نفسه ولو حتى صدفة فيه مسئول ورا ده كله هو اللى وصل مزلاقانات القطر انها تكون من غير إشارات وهو اللى خللا سواق الأتوبيس المفروض انه مسئول عن أرواح البنى أدمين ياخد مخدرات .
- ماهو ده بيحصل فى أى مكان فى العالم..
-- أيوة بس بيبقا فيه حساب وبتتحدد المسئوليات بدقة كل واحد بيأدى واجبه ولما يحصل الخطأ بيبقا معروف مين بالظبط المخطىء ويتحاسب .
- يعنى إنت عايز وزير النقل يعدى بنفسه ع السنافورات سنافور سنافور ويتأكد إن الإشارات شغاله ؟
-- لازم يبقا فيه مسئول حقيقى مش كبش فدا يتحاسب وياخد جزاءه المسئول عن وسائل النقل فى البلد هو وزير النقل مش عامل المزلقان والمسئول عن تأمين حياة تلاميذ المدارس وحمايتهم هو وزير التربية والتعليم مش سواق أتوبيس الرحلة والمسئول عن الإتنين . رئيس الوزراء ، القضية لازم تتطرح كده اللى راحو بنى آدميـــن . بشـــر أرواح بريئة ملهاش ذنـــب . لو المسئولين عن ضياعهم إتحاسبوا وخدو جزاؤهم هيفكروا الف مرة بعد كده عشان ميقعش خطأ أو إهمال مشابه . الإهمال لما يوصل للدرجة دى يبقا جريمة بشعة لابد من التحقيق فيها .
- ممم ما تيجى ننسى الكلام الكبير ده شوية.
-- حضرتك علمتهولنا فى الكلية وكتبتهولنا فى كتب.
- البلد مش مستحملة هزات.
-- البلد مش هتتقدم إلا بمواجهة أخطاءها مش عيب إننا نبقا بلد متخلف لكن العيب الحقيقى اننا نحط راسنا فى الرمل ومنواجهشى التخلف ده إذا كان حد قلبه ع البلد دى بصحيح لازم يُقَف يِحاسب ويتحاسب.

#ضد_الحكومة 1992
بشير الديك.. وجيه ابو ذكري
#سينما_عاطف_الطيبBlue

أتمنى أخيراً أن ندرس مدى قانونية منح فئات مهنية في المجتمع خصومات على تذاكر السكك الحديدية؟ أعلم أن الخصومات الممنوحة لا تمثل مبالغ مالية كبيرة لكن الحقيقة أنها جزء بسيط من ثقافة فاسدة سائدة في هذا المرفق وغيره ولا مفر من تغييرها لأنها متصلة إتصال وثيق جداً بمبدأ قانوني هام للغاية هو حسن سير المرفق العام

فيديو تفصيلي لمشاجرة سائقي الجرارين المتسببين في الحادث

من كاميرات المراقبة.. "بسرعة جنونية" لحظة اصطدام جرار قطار محطة مصر بالرصيف
- سيادة القانون هى أساس الحكم- خطاب السيسي في مؤتمر جمعية النواب العموم الأفارقة